شام میں چار روسی جنگی جہازوں کی موجودگی کا امریکی دعویٰ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکی محکمہ دفاع کے ایک عہدیدار نے دعویٰ کیا ہے کہ# شام کے ساحلی شہر #اللاذقیہ کے ایک فوجی اڈے پر #روس کے چار جنگی جہاز پائے گئے ہیں۔

العربیہ ڈاٹ نیٹ کے مطابق امریکی محکمہ دفاع #پینٹاگون کے ایک عہدیدار نے بتایا کہ شام کے اللاذقیہ شہر میں روس کے چار جنگی جہازوں کو دیکھا گیا ہے۔ خیال رہے کہ اللاذقیہ کو صدر #بشار_الاسد کا گڑھ سمجھا جاتا ہے۔ حالیہ ایام میں خبریں آئی ہیں کہ شام نے اللاذقیہ میں روس کو اپنا فوجی اڈہ بنانے کی اجازت دی ہے۔

قبل ازیں جمعہ کو پینٹا گون کی جانب سے بتایا گیا تھا کہ امریکی اور روسی وزراء دفاع نے شام کے تنازع کے حل کے سلسلے میں اعلیٰ سطحی رابطے کیے ہیں۔

امریکی محکمہ دفاع کے ترجمان پیٹر کوک نے اپنے ایک بیان میں کہا تھا کہ وزیر دفاع آشٹن کارٹر اپنے روسی ہم منصب سیرگئی شویگو نے ٹیلیفون پر تبادلہ خیال کیا ہے، دونوں رہ نمائوں نے شام کے موجودہ تنازع پر بات چیت کی اور بحران کے حل کے لیے سیاسی کوششیں تیز کرنے پراتفاق کیا۔ ترجمان کا کہنا تھا کہ دونوں ملکوں کے وزراء خارجہ نے شام کے تنازع کے بارے میں ایک دوسرے اپنے اپنے نقطہ نظر سے بھی آگاہ کیا۔ ٹیلیفون پر بات کرتے ہوئے دونوں رہ نمائوں نے شام کے تنازع کے حل اور #داعش کے خلاف جنگ کے بارے میں اتفاق رائے پیدا کرنے کے لیے مزید رابطوں پر بھی اتفاق کیا ہے۔

مقبول خبریں اہم خبریں

مقبول خبریں