.

روسی طیارے کی جانب سے ترک فضائی حدود کی خلاف ورزی

انقرہ میں وزارت خارجہ میں روسی سفیر کی طلبی، خلاف ورزی پر احتجاج

پہلی اشاعت: آخری اپ ڈیٹ:

ترک وزارت خارجہ نے دعوی کیا ہے کہ انقرہ کے ایف سولہ لڑاکا جہازوں نے شام کی جنوب مشرقی سرحد کے قریب ترکی کی فضائی حدود کی خلاف ورزی کرنے والے روسی لڑاکا جہاز کو روکنے کے بعد اسے واپسی پر مجبور کر دیا۔

انقرہ میں وزارت خارجہ نے ایک بیان میں بتایا ہے کہ ترکی میں روسی سفیر کو طلب کیا گیا ہے اور ان سے فضائی حدود کی خلاف ورزی پر شدید احتجاج کیا گیا ہے۔

روسی لڑاکا طیارے کی جانب سے ترک فضائی حدود کی مبینہ خلاف ورزی ایسے وقت میں ہوئی ہے کہ جب انقرہ کو ماسکو کی شام میں مداخلت پر اعتراض ہے۔ ترک صدر کے بقول شام میں مداخلت روس کی بہت بڑی غلطی ہے۔

فرانس روانگی سے قبل استنبول ہوائی اڈے سے اخبار نویسوں سے بات کرتے ہوئے ایردوآن کا کہنا تھا کہ "روس کے شام سے متعلق اقدامات اور بمباری کسی بھی صورت قابل قبول نہیں ہے۔"