.

روسی صدر کی شاہ سلمان سے ٹیلی فون پر بات چیت

پہلی اشاعت: آخری اپ ڈیٹ:

روس کے صدر ولادی میر پوتین نے سعودی فرمانروا شاہ سلمان بن عبدالعزیز سے ٹیلی فون پر دو طرفہ تعلقات اور علاقائی صورت حال پر تبادلہ خیال ہے۔

کریملن کی جانب سے جاری کردہ ایک بیان کے مطابق صدر پوتین نے شامی صدر بشارالاسد کے دورۂ ماسکو کے بعد شاہ سلمان بن عبدالعزیز کو فون کیا ہے اور ان سے خطے کی صورت حال کے علاوہ علاقائی اور عالمی سطح پر ہونے والی حالیہ پیش رفتوں کے حوالے سے بات چیت کی ہے۔

بشارالاسد کا شام میں سنہ 2011ء سے جاری خانہ جنگی کے بعد یہ پہلا غیر ملکی دورہ تھا اور انھوں نے صدر پوتین سے دوطرفہ تعلقات اور داعش اور دوسرے باغی گروپوں کے خلاف جاری جنگ ،خاص طور پر روس کے لڑاکا طیاروں کے فضائی حملوں کے حوالے سے تبادلہ خیال کیا ہے۔