'ترکی، قطر میں فوجی اڈا قائم کرے گا'

اعزازی ڈگری وصول کرنے کے بعد ایردوآن کا قطر میں اعلان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

قطر نے ترکی کے ساتھ بڑھتے تعلقات کا ثبوت دیتے ہوئے ترک صدر رجب طیب ایردوآن کو ڈاکٹریٹ کی اعزازی ڈگری دی ہے۔ یہ ڈگری انہیں مقامی یونیورسٹی کی طرف سے دی گئی۔

جامعہ قطر میں ہونے والی ایک تقریب میں روایتی گائون میں ملبوس طیب ایردوآن نے یونیورسٹی کی تاریخ میں پہلی بار دی جانے والی اعزازی ڈگری وصول کی.

تقریب سے خطاب کرتے ہوئے یونیورسٹی کے صدر حسن الدرہم نے کہا ہے کہ ترک صدر کو یہ اعزازی ڈگری ایسے موقع پر دی جا رہی ہے کہ جب قطر اور ترکی کے تعلقات میں اہم پیش رفت ہو رہی ہیں۔

ترک صدر کے دورہ قطر کے دوران خلیجی ملک کے ساتھ درجنوں معاہدوں پر دستخط ہوئے ہیں جن میں شہریوں کے ویزے کی شرط کے خاتمے سمیت دیگر اہم معاملات شامل ہیں۔ ایردوآن نے اعلان کیا تھا کہ ترکی، قطر میں ایک فوجی اڈہ بھی قائم کرے گا۔

انقرہ اور دوحہ کے درمیان تعلقات پچھلے سال دسمبر میں اس وقت مزید راسخ ہوئے جب سپریم اسٹرٹیجک کمیٹی کے قیام کے منصوبے پر دستخط کئے گئے تھے۔

مقبول خبریں اہم خبریں

مقبول خبریں