ملکی سلامتی اوراقتصادی ترقی اوّلین ترجیح ہیں: شاہ سلمان

شامی حکومت کی پالیسیوں سے خطے میں دہشت گرد تنظیموں کو فروغ ملا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے فرمانروا شاہ سلمان بن عبدالعزیز نے کہا ہے کہ اقتصادی ترقی اور ملکی سلامتی ان کی حکومت کی اولین ترجیحات ہیں۔

وہ بدھ کے روز سعودی شوریٰ کونسل سے اپنا پہلا خطاب کررہے تھے اور اس کے ساتھ ہی کونسل کے چوتھے سیشن کا آغاز ہوگیا ہے۔

انھوں نے جولائی میں اپنی کابینہ میں ردوبدل کے حوالے سے گفتگو کرتے ہوئے کہا کہ یہ فیصلہ ترقی کو مہمیز دینے کے لیے کیا گیا تھااور سعودی شہریوں کی ترقی ان کی حکومت کی اولین ترجیح ہے۔

سعودی عرب کی خارجہ پالیسی کے حوالے سے انھوں نے کہا کہ ان کا ملک عرب دنیا اوراسلامی نصب العین (کاز) کے دفاع کے لیے اپنے اصولوں اور عالمی اقدار پر عمل پیرا ہے۔انھوں نے کہا کہ سعودی عرب کی خارجہ پالیسی کا مقصد دنیا بھر میں ''دہشت گردی کے خلاف جنگ'' اور استحکام کی بحالی ہے۔

سعودی شوریٰ کونسل کے ٹویٹر اکاؤنٹ کے مطابق شاہ سلمان نے شام میں جاری بجران کے بارے میں کہا کہ ان کی حکومت شام کا اتحاد برقرار رکھنے کے لیے کوشاں ہے۔انھوں نے شامی صدر بشارالاسد کو خطے میں جنگجو گروپوں کے احیاء کا ذمے دار قرار دیتے ہوئے کہا کہ شامی حکومت کی پالیسیوں کی بدولت ہی دہشت گرد تنظیموں کو پھلنے پھولنے کا موقع ملا ہے۔

مقبول خبریں اہم خبریں

مقبول خبریں