.

"ترکی اور سعودی عرب، شام میں زمینی کارروائی کر سکتے ہیں"

پہلی اشاعت: آخری اپ ڈیٹ:

#ترکی کے وزیر خارجہ مولود جاویچ اوگلو نے کہا ہے کہ ان کا ملک اور #سعودی_عرب، # شام میں #داعش کے خلاف زمینی کارروائی شروع کر سکتے ہیں. مولود کے بقول سعودی عرب نے ترک آئر بیس پر اپنے لڑاکا جہاز بھجوا دئیے ہیں.

ترک روزنامے 'خبر ترک' اور 'ینی شفق' نے میونخ کانفرنس میں شرکت کے بعد مولود اوگلو کے حوالے سے بتایا ہے کہ اگر داعش کے خلاف حکمت عملی طے پائی تو اس بات کا امکان ہے کہ #ریاض اور #انقرہ شام میں زمینی کارروائی شروع کر دیں.

ان کا مزید کہنا تھا کہ سعودی عرب، ترکی کی اینجرلیک آئر بیس اپنے لڑاکا طیارے بھیجے گا. سعودی حکام آئر بیس سے متعلق جانکاری کے لیے پہنچے ہیں، تاہم ابھی تک وہاں پہنچنے والے طیاروں کی تعداد سے متعلق کچھ واضح نہیں ہوا ہے۔