.

عرب لیگ نے حزب اللہ کو دہشت گرد قرار دے دیا

پہلی اشاعت: آخری اپ ڈیٹ:

عرب لیگ کے وزرائے خارجہ کے اجلاس میں لبنان کی شیعہ ملیشیا "حزب اللہ" کو دہشت گرد تنظیم قرار دے دیا گیا ہے۔ یہ موقف خلیجی ممالک کی جانب سے حزب اللہ مخالف موقف کے بعد سامنے آیا ہے۔

عرب ممالک پر مشتمل اس گروپ کی جانب سے جاری کردہ ایک بیان میں بتایا گیا کہ گروپ میں شامل لبنان اور عراق کے علاوہ تمام ممالک نے اس فیصلے کی حمایت کی ہے۔ لبنان اور عراق نے اس فیصلے پر اپنے تحفظات کا اظہار کیا ہے۔

بحرین کے سفارتکار واحد مبارک سیار نے اس بیان کو میڈیا نمائندوں کے سامنے پڑھ کر سناتے ہوئے کہا کہ الجزائر نے بھی اس قدم کی تائید کی ہے مگر انہیں کچھ تحفظات باقی ہیں۔