سعودی بن لادن گروپ کو حکومتی منصوبوں میں کام کی اجازت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے معروف بن لادن گروپ میں ذرائع نے ایک غیرملکی نیوز ایجنسی کو بتایا ہے کہ حکومت کی جانب سے جاری ایک نئے آرڈیننس کے تحت گروپ کی ایک مرتبہ پھر سے درجہ بندی عمل میں لائی گئی ہے اور اب بن لادن گروپ کو نئے حکومتی منصوبوں کو حاصل کرنے کے لیے ٹینڈر پیش کرنے کی اجازت ہوگی۔

یہ پیش رفت مکہ مکرمہ میں بن لادن گروپ کے زیراستعمال کرین گرنے کی تحقیقات کے بعد گروپ پر عائد کی گئی پابندی کے آٹھ ماہ بعد سامنے آئی ہے۔

مذکورہ غیرملکی ایجنسی کے مطابق حادثے کے بعد "بن لادن" گروپ کے سینئر ڈائریکٹرز پر عائد سفر کی پابندی بھی اٹھا لی گئی ہے۔

غیرملکی نیوز ایجنسی کی رپورٹ سے سعودی روزنامے "الوطن" میں جمعرات کی صبح شائع ہونے والی اس خبر کی تصدیق ہوجاتی ہے جس میں بتایا گیا تھا کہ بن لادن گروپ کو سرکاری منصوبوں کے ٹھیکے داروں کی درجہ بندی میں پھر سے شامل کرلیا گیا ہے۔

روزنامے نے شہری ہوابازی کی کمیٹی کے ترجمان کے حوالے سے بتایا کہ اس پیش رفت کے بعد بن لادن گروپ جدہ کے کنگ عبدالعزیز انٹرنیشنل ایئرپورٹ کے منصوبے کا کام دوبارہ سے شروع کردے گا۔

مقبول خبریں اہم خبریں

مقبول خبریں