شامی اپوزیشن کی عسکری امداد جاری رکھیں گے:الجبیر

شام کےسیاسی مستقبل میں بشار الاسد کا کوئی کردار قابل قبول نہیں: موگیرینی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے وزیرخارجہ عادل الجبیر نے کہا ہے کہ ان کا ملک شام میں صدر بشارالاسد کے خلاف لڑنے والی اعتدال پسند اپوزیشن قوتوں کو اسلحہ کی فراہمی کا حامی ہے اور شامی اپوزیشن کی فوجی امداد جاری رکھی جائے گی۔ ان کا کہنا تھا کہ عالمی برادری کا پہلے جنیوا اجلاس کی روشنی میں شام کے مسئلے کے حل پر اتفاق موجود ہے۔

سعودی وزیرخارجہ نے ان خیالات کا اظہار یورپی یونین کی خارجہ و سیکیورٹی امور کی انچارج فیڈریکا موگیرینی کے ہمرہ ایک مشترکہ نیوز کانفرنس سے خطاب میں کیا۔ اس موقع پر یورپی ہائی کمیشن کی ترجمان برائے خارجہ امور مسز موگیرینی کا کہنا تھا کہ انہیں امید ہے کہ شام کے بحران کے حل کے سلسلے میں ہونے والی بات چیت مثبت اور نتیجہ خیز ثابت ہوگی۔

انہوں نے کہا کہ شام کے بحران کا فوجی نہیں بلکہ سیاسی حل تلاش کیا جانا چاہیے تاکہ مصیبت کا شکار شامی عوام کو سکھ کا سانس لینے کا موقع فراہم کیا جاسکے۔ انہوں نے کہا کہ یورپی یونین شامی بھائیوں کی مدد اور بشار الاسد کے سیاسی مستقبل کے بغیر شام میں حکومت کے قیام کی حمایت جاری رکھے گا۔

مقبول خبریں اہم خبریں

مقبول خبریں