یمن سے داغے راکٹ حملے میں سعودی شہری جاں بحق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے حکام نے بتایا ہے کہ گذشتہ روز یمن سے داغے گئے ایک راکٹ کے نتیجے میں جازان کے مقام پر ایک سعودی شہری جاں بحق ہوگیا۔

العربیہ ڈاٹ نیٹ کے مطابق جازان گورنری کے شہری دفاع کے ڈائریکٹوریٹ کےترجمان محمد آل صمعان نے بتایا کہ سیکیورٹی حکام کو طلاع ملی تھی کہ صامطہ کے مقام پر ایک راکٹ حملہ ہوا ہے۔ سیکیورٹی حکام فوری طور پر جائے وقوعہ پر پہنچ گئے جہاں انہیں بتایا گیا کہ راکٹ حملے میں ایک مقامی شہری جاں بحق ہوگیا۔

سعودی عرب کے سیکیورٹی حکام نے قبل ازیں ہفتے کے روز بتایا تھا کہ یمن کے حوثی باغیوں نے نجران شہر پر ایک بیلسٹک میزائل حملہ کیا تھا تاہم میزائل کو فضاء ہی میں تباہ کردیا گیا۔

جازان کے شہری دفاع کے حکام نے راکٹ حملے کے نتیجے میں زخمی ہونے والے شہریوں کو ہر ممکن طبی سہولت فراہم کرنے کا حکم دیا ہے۔

یمن اور سعودی عرب کی سرحد پر واقعے حرض محاذ پر ہفتے کے روز جھڑپوں کے بعد حالات پرسکون ہوگئے تھے۔ قبل ازیں وہاں پر یمن فوج اور باغیوں کے درمیان حرض ڈاریکٹوریٹ کے گرد تعمیر کی گئی دیواروں کے آس پاس وقفے وقفے سے جھڑپیں ہوتی رہی ہیں۔

مقبول خبریں اہم خبریں

مقبول خبریں