ناکام انقلاب کے پس منظر میں سفیروں کو برطرف کریں گے : ترکی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ترکی کے وزیر خارجہ مولود چاووش اوگلو نے پیر کے روز اعلان کیا ہے کہ ان کا ملک انقلاب کی ناکام کوشش کے پس منظر میں متعدد سفیروں کو برطرف کرے گا۔ چاووش نے یہ بات ترکی کے ایک نجی ٹی وی چینل "خبر ترک" کے ساتھ انٹرویو میں کہی۔

ترک وزیر خارجہ نے واضح کیا کہ اگر امریکا نے تُرک مذہبی شخصیت فتح اللہ گولن کو حوالے نہ کیا تو انقرہ اور واشنگٹن کے درمیان تعلقات متاثر ہوں گے۔ ترکی گولن پر رواں ماہ انقلاب کی ناکام کوشش کے ماسٹرمائنڈ ہونے کا الزام عائد کرتا ہے جب کہ گولن نے اس الزام کو مسترد کردیا ہے۔

اوگلو نے مزید کہا کہ وہ آئندہ دورے میں اس معاملے کو زیربحث لانے کے لیے امریکی ذمہ داران سے ملاقات کریں گے۔

ادھر واشنگٹن یہ کہہ چکا ہے کہ انقرہ کو چاہیے کہ وہ پہلے انقلاب کی کوشش می گولن کا ہاتھ ہونے سے متعلق واضح ثبوت پیش کرے۔ قانونی ماہرین کا کہنا ہے کہ حوالگی کے اقدامات میں سالوں لگ سکتے ہیں۔

مقبول خبریں اہم خبریں

مقبول خبریں