یمنی فوج کا ابین میں القاعدہ جنگجوؤں کے خلاف سرچ آپریشن

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی سرکاری فوج نے ابین گورنری اور اس کے متصل کئی دوسرے شہروں اور دیہات میں شدت پسند گروپ القاعدہ کے جنگجوؤں کے خلاف بڑے پیمانے پر سرچ آپریشن شروع کیا ہے۔

مقامی ذرائع کا کہنا ہے کہ بدھ کو یمنی فوج اور مزاحمتی ملیشیا ابین کے علاقوں العین، احور، لودر اور مودیہ میں سرچ آپریشن شروع کیا۔ تین روز قبل یمنی فوج نے مزاحمتی ملیشیا کی معاونت سے ابین کے علاقوں زنجبار اور جعار پر کنٹرول حاصل کرتے ہوئے القاعدہ کو وہاں سے نکال باہر کیا تھا۔

ذرائع کا کہنا ہے کہ یمنی فوج کی بھاری نفری ابین کے مختلف اطراف میں پھیل گئی ہے جہاں جنگجوؤں کا تعاقب کرنے کے ساتھ ساتھ ان کی بچھائی بارودی سرنگوں کی صفائی کا عمل جاری ہے۔

یمنی فوج نے بدھ کے روز زنجبار کے مقام پر ایک خود کش حملہ بھی ناکام بنا دیا۔ ذرائع کا کہنا ہے کہ دو خود کش بمباروں نے فوج کے ایک گروپ کی طرف بڑھنے کی کوشش کی مگر فوجیوں نے دونوں خود کش بمباروں کو روکنے کے بعد ان کی خود کش جیکٹیں ان سے چھین لیں جس کے نتیجے میں فوج کو دہشت گردی کے حملے سے بچالیا گیا۔

مقبول خبریں اہم خبریں

مقبول خبریں