.

منیلا : غلط الارم کے بعد سعودی ائیرلائنز کا جیٹ عارضی طور پر ''تنہا''

پہلی اشاعت: آخری اپ ڈیٹ:

سعودی ائیر لائنز کے ایک طیارے کو اغوا کرنے کی کوشش کے غلط الارم پر فلپائن کے دارالحکومت منیلا کے ایک ہوائی اڈے پر اتار لیا گیا ہے اور اس کو عارضی طور پر الگ تھلگ کھڑا کیا گیا ہے۔

سعودی ائیر لائنز نے اس طیارے کو منیلا کے نینو اکینو انٹرنیشنل ائیر پورٹ پر گراؤنڈ کیے جانے کی تصدیق کی ہے اور بتایا ہے کہ پائیلٹ نے کنٹرول ٹاور کو مشکل صورت حال سے دوچار ہونے سے آگاہ کیا تھا جس کے بعد یہ خیال کیا جارہا تھا کہ طیارہ خطرے میں ہے۔

ہوائی اڈے کے جنرل مینجر نے بتایا ہے کہ طیارے کے عملے نے اترنے کے بعد کہا ہے کہ مشکل صورت حال سے دوچار ہونے سے متعلق کال غلطی سے کی گئی تھی۔

فلپائن کے ایک نشریاتی ادارے اے بی ایس- سی بی این نے سعودی ائیرلائنز کی پرواز ایس وی اے 872 کی تصاویر نشر کی ہیں جن میں اس کو ائیرپورٹ سکیورٹی نے اپنے گھیرے میں لے رکھا ہے۔

طیارے میں قریباً تین سو مسافر سوار تھے اور وہ سعودی عرب کے ساحلی شہر جدہ سے منیلا جارہا تھا۔