یمن سے سعودی عرب پر بیلسٹک میزائل حملہ ناکام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی سیکیورٹی فورسز نے خمیس مشیط کے مقام پر یمن سے داغے کے ایک اور بیلسٹک میزائل حملے کو ناکام بنا دیا ہے۔

العربیہ ٹی وی کی رپورٹ کے مطابق سعودی فضائی ڈیفنس فورسز نے یمن سے داغے گئے بیلسٹک میزایل کو ہدف تک پہنچنے سے قبل ہی فضاء میں تباہ کردیا جس کے نیتجے میں یہ حملہ ناکام بنا دیا گیا۔

سعودی عرب کی قیادت میں عرب اتحاد کے طیاروں نے سوموار کے روز یمن کی باغی ملیشیا کے متعدد ٹھکانوں پر فضائی حملے کرکے باغیوں کو بھاری جانی اور مالی نقصان پہنچایا ہے۔

اطلاعات کے مطابق الزاھر ڈاریکٹوریٹ میں حوثی باغیوں کے کمانڈر ابو محمد العوسجہ کو اس کے چار ساتھیوں سے سمیت ہلاک کردیا گیا ہے۔ العوسجہ پر الزام تھا کہ وہ الزاھر کے علاقے میں نہتے شہریوں کے قتل عام میں ملوث رہا ہے۔

قبل ازیں اتحادی ممالک کے جنگی طیاروں نے صعدہ اور صنعاء میں حوثیوں کے ٹھکانوں پر بمباری کی۔ اتحادی طیاروں نے سعودی عرب کی شمالی سرحد سے متصل ثعبان اور مندبہ کے مقامات پر یمنی باغیوں کے ٹھکانوں پر کم سے کم 20 فضائی حملے کیے۔

مقبول خبریں اہم خبریں

مقبول خبریں