حوثیوں کا اہم لیڈر یمنی فوج کے ہاتھوں گرفتار

مآرب میں باغیوں کی سپلائی لائن کاٹ دی گئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی سرکاری فوج نے ایران نواز حوثی باغیوں کے ایک سرکردہ رہ نما ھاشم الموید کو مآرب گورنری کے صرواح محاذ سے ایک کارروائی کے دوران گرفتار کرلیا ہے۔

العربیہ نیوز چینل کے نامہ نگار کے مطابق صنعاء اور مآرب کو ملانے والی ایک شاہراہ کے قریب حوثی شدت پسندوں اور یمن کی آئینی فوج کے درمیان لڑائی کے دوران ھاشم الموید کی گرفتاری عمل میں لائی گئی۔ حکومتی فورسز نے شمالی صراوح کے ھیلان پہاڑی سلسلے میں متمرکز باغیوں کی سپلائی لائن بھی کاٹ دی ہے۔

خیال رہے کہ مآرب اور صنعاء کو باہم ملانے والی شاہراہ تزویراتی طور پر نہایت اہمیت کی حامل ہے۔ اس سڑک پر حکومتی فورسز کے کنٹرول کے بعد بنی حشیش ڈاریکٹوریٹ اور مآرب میں دیگر سرکاری تنصیبات کو حوثی باغیوں سے چھڑانے کی راہ ہموار ہوگئی ہے۔

مقبول خبریں اہم خبریں

مقبول خبریں