مارب تعزیتی کیمپ دھماکا باغیوں کی کارروائی ہے : یمنی صدر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمنی صدر عبدربه منصور ہادی نے جمعے کے روز مارب میں تھرڈ ملٹری ریجن کے کمانڈر میجر جنرل عبدالرب الشدادی کے تعزیتی اجلاس میں ہونے والے دھماکے کی منصوبہ بندی کا الزام حوثی باغیوں پر عائد کیا ہے۔ انہوں نے کہا کہ باغی قتل و غارت اور تباہی پھیلانے کے لیے کسی بھی کارروائی سے نہیں ہچکچاتے۔

یمنی ذرائع کے مطابق تعزیتی خیمے میں حوثیوں کی جانب سے نصب کیے جانے والے دھماکا خیز مواد کے پھٹنے سے کم از کم 5 افراد ہلاک اور متعدد زخمی ہو گئے تھے۔

کسی بھی تنظیم یا جماعت کی جانب سے ابھی تک اعلانیہ طور پر دھماکے کی ذمے داری قبول نہیں کی گئی ہے۔

میجر جنرل عبدالرب الشدادی گزشتہ ہفتے مارب صوبے کے مغرب میں صراوح کے محاذ پر جھڑپوں کے دوران جاں بحق ہو گئے تھے۔ سرکاری فوج اور عوامی مزاحمت کاروں کی یہ جھڑپیں حوثی باغیوں اور معزول صدر صالح کی ملیشیاؤں کے ساتھ ہوئیں۔

مقبول خبریں اہم خبریں

مقبول خبریں