.

سعودی علاقے جازان میں یمنی حوثی کیسے جنگ بندی توڑ رہے ہیں؟

پہلی اشاعت: آخری اپ ڈیٹ:

یمن کے حوثی شیعہ باغی سعودی عرب کے سرحدی علاقے میں مسلسل جنگ بندی کی خلاف ورزیوں کے مرتب ہورہے ہیں اور انھوں نے جمعرات کو اس فائربندی کے پہلے روز ہی سعودی علاقے جازان کی جانب راکٹ فائر کیے تھے۔

جازان سے تعلق رکھنے والے ایک سعودی شہری نے العربیہ کے لیے ایک خصوصی ویڈیو بنائی ہے جس میں سعودی علاقے میں مکانوں پر حوثیوں کے چلائے گئے راکٹ گرے دیکھے جاسکتے ہیں۔

اس سعودی شہری کا کہنا ہے کہ ''حوثی ملیشیا اور سابق یمنی صدر علی عبد اللہ صالح کے وفادار جنگجوؤں نے جنگ بندی کی خلاف ورزی کی ہے۔انھوں نے ماضی میں بھی ایسے ہی کیا تھا اور جنگ بندی کے کسی سمجھوتے کی پاسداری نہیں کی تھی''۔

اس شہری نے مزید بتایا ہے کہ ''ایک راکٹ ان کے مکان پر آ گرا تھا جس سے ان کا خاندان خوف زدہ ہوگیا۔ان کی اہلیہ کی حالت غیر ہوگئی اور بچے دہشت زدہ ہوگئے تھے''۔

واضح رہے کہ حوثی ملیشیا اور ان کے اتحادی علی صالح کے جنگجوؤں نے جمعرات کو جنگ بندی کے آغاز کے بعد سے 900 سے زیادہ مرتبہ اس کی خلاف ورزیاں کی ہیں۔اس دوران انھوں نے یمن کے مختلف علاقوں پر حملے کیے ہیں اور سعودی علاقوں کی جانب گولہ باری کی ہے۔