کنٹرول ٹاور کا نگران غائب،امریکی اوربرطانوی سفیر فضاء میں معلق

غفلت برتنے والا مصری فوجی افسر گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصر کے شمال مغربی ہوائی اڈے العلمین کے حکام نے کہا ہے کہ پولیس نے ہوائی اڈے کے کنٹرول ٹاور پرمتعین فضائی نگران کو کام سے روک کر حراست میں لے لیا اور ان سے امریکا اور برطانیہ کے سفیروں کو فضاء میں معلق رکھنے کی بابت پوچھ تاچھ کی جا رہی ہے۔

ہوائی اڈے کے حکام کا کہنا ہے کہ حال ہی میں امریکی سفیر اسٹفن بیکروفٹ اور برطانوی جون کاسن’کوبرا‘ ماڈل کے ایک ہوائی جہاز سے قاہرہ سے العلمین کے مقام پر ایک تقریب میں شرکت کے لیے روانہ ہوئے۔

جب ان کا طیارہ العلمین ہوائی اڈے پر اترنے لگا تو پائلٹ نے ہوائی اڈے کے کنٹرول ٹاور سے رابطہ کیا۔ بار بار رابطہ کرنے کے باوجود وہاں سے کوئی جواب نہ ملا۔ اس دوران طیارہ مسلسل فضاء میں گردش کرتا رہا۔ ہوائی اڈے کے کسی دوسرے عہدیدار نے ہوائی جہاز کی طرف سے جاری کردہ پیغامات نوٹ کیے اور طیارہ بہ حفاظت ہوائی اڈے پر اتار دیا۔

دونوں سفیر دوسری عالم جنگ کے اختتام پر جرمن اور برطانوی فوج کے درمیان العلمین معرکے کے74 سال پورے ہونے کی مناسبت سے منعقدہ ایک تقریب میں شرکت کے لیے العلمین ہوائی اڈے پر آرہے تھے۔

مقبول خبریں اہم خبریں

مقبول خبریں