ایران اسلام کا نام نہاد دعوے دار ہے: عبداللہ بن زاید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

متحدہ عرب امارات کے وزیر خارجہ عبداللہ بن زاید نے کہا ہے کہ ایران نام نہاد مسلمان ملک ہے۔ ایران کی منافقت کا اس سے بڑھ کر اور کوئی ثبوت نہیں کہ وہ مکہ معظمہ پر میزائل برسانے کے لیے یمن کے حوثی باغیوں کو استعمال کر رہا ہے۔

العربیہ ڈاٹ نیٹ کے مطابق مکہ مکرمہ کی طرف یمن کے حوثی باغیوں کی طرف سے بیلسٹک میزائل داغے جانے کے رد عمل میں ایک بیان میں عبداللہ بن زاید نے کہا کہ ایران ایک طرف اسلام کا دعویٰ کرتا اور مسلمان ملکوں میں شمار ہونے کی کوشش کرتا ہے مگر عملا ایرانی حکومت بیت اللہ کی بھی دشمن ہے۔ مکہ معظمہ اور خانہ کعبہ پر میزائل حملے کرانے والے اسلام کا دعویٰ کیسے کرسکتے ہیں۔

خیال رہے کہ گذشتہ روز یمن کے شہر صعدہ سے ایک بیلسٹک میزائل مکہ مکرمہ طرف داغا گیا تھا تاہم سعودی فورسز نے یمن سے داغا گیا میزائل فضاء ہی میں تباہ کردیا۔ عرب اتحادی طیاروں نے صعدہ میں حوثیوں کے میزائل لانچنگ پیڈ پر بھی بمباری کر کے اسے تباہ کردیا ہے۔

مقبول خبریں اہم خبریں

مقبول خبریں