.

ٹرمپ کے عہدہ سنبھالنے کی تقریب میں رقاصاؤں کا شرکت سے انکار !

پہلی اشاعت: آخری اپ ڈیٹ:

امریکا میں "دی ریڈیو سٹی راکٹس" ڈانسنگ گروپ کی جانب سے منتخب صدر ڈونلڈ ٹرمپ کے عہدہ سنبھالنے کی تقریب میں شرکت کے اعلان نے ایک تنازع کھڑا کر دیا.. اس کی وجہ یہ ہے کہ گروپ کے بعض ارکان نے اس موقع پر اپنے فن کا مظاہرہ کرنے سے انکار کر دیا ہے۔ اس سلسلے میں گروپ کے مالکانہ حقوق رکھنے والی کمپنی کا کہنا ہے کہ ہر رکن کو شرکت یا عدم شرکت کا اختیار حاصل ہے۔

وہائٹ ہاؤس میں اقتدارکی منتقلی کی تقریب کے منتظمین کو ایسے گلوکاروں اور فن کاروں کی تلاش میں شدید دشوار پیش آ رہی ہے جو تقریب میں شرکت کو قبول کر لیں۔ دنیائے فن سے تعلق رکھنے والے اکثریت منتخب امریکی صدر کے بارے میں ناموافق رجحان کا اظہار کر چکی ہے۔ میڈیا رپورٹوں کے مطابق اطالوی گلوکار آندریا بوچلے ، کینیڈیئن گلوکارہ سلین ڈیون اور برطانوی گلوکار ایلٹن جان.. ان سب نے ٹرمپ کے عہدہ سنبھالنے کی تقریب کی دعوت کو مسترد کر دیا ہے۔

دی ریڈیو سٹی راکٹس کی انتظامیہ کی جانب سے 20 جنوری کی تقریب میں شرکت کے اعلان کے بعد گروپ کی ایک رکن ڈانسر فوئبے پرل نے انسٹاگرام پر اپنے پیغام میں (جو بعد میں حذف کر دیا گیا) کہا کہ شرکت کے اعلان پر انہیں "شرمندگی اور مایوسی" ہوئی اور یہ ایک بھیانک امر ہے۔

گروپ کی مالک کمپنی "MSG" کا کہنا ہے کہ صدر کی تقریب سمیت ہم نے کبھی کسی ایونٹ میں گروپ کے ارکان کی شرکت کو لازمی قرار نہیں دیا۔ کمپنی کے بیان میں واضح کیا گیا ہے کہ 20 جنوری کو تقریب میں شرکت کی خواہش مند ڈانسروں کی جانب سے پیش کی جانے والی درخواستیں مطلوبہ تعداد سے زیادہ ہے۔

"راکٹس" گروپ کی ڈانسروں کے علاوہ تقریب میں شرکت کے واسطے حامی بھرنے والی اکلوتی فن کارہ 16 سالہ معروف امریکی پوپ گلوکارہ جیکی ایوینکو ہے۔