.

دبئی نے گہری دھند کا کمبل اوڑھ لیا،نمی میں اضافہ

پہلی اشاعت: آخری اپ ڈیٹ:

دبئی میں بدھ کی صبح سے گہری دھند چھائی ہوئی ہے اور اس نے ایک کمبل کی طرح پورے شہر کو اپنی لپیٹ میں لے رکھا ہے۔ جمعرات کی صبح تک یہی صورت حال برقرار رہنے کی توقع ہے۔متحدہ عرب امارات کے دارالحکومت ابو ظبی میں بھی گہری دھند چھائی رہی ہے۔

دھند کی وجہ سے دبئی کے ہوائی اڈوں اور ابوظبی کے بین الاقوامی ہوائی اڈے پر متعدد پروازوں کی آمد ورفت میں تاخیر ہوئی ہے اور دونوں شہروں میں شاہراہوں پر ٹریفک بھی جام رہا ہے۔

اماراتی پولیس نے ڈرائیوروں کو خبردار کیا ہے کہ وہ دھند کے دوران کسی بھی حادثے سے بچنے کے لیے محتاط انداز میں ڈرائیونگ کریں۔

محکمہ موسمیات کے مطابق بدھ کی رات اور جمعرات کی صبح نمی میں اضافہ متوقع ہے اور دونوں شہروں کے اندرونی علاقوں میں درجہ حرارت 10 سے 34 ڈگری تک متوقع تھا۔

دبئی میں آج کئی گھنٹے تک بلند وبالا سکائی کریپر دھند میں چُھپے رہے ہیں جس کی وجہ سے دنیا کے سب مصروف بین الاقوامی ہوائی اڈے پر پروازیں میں تاخیر ہوئی ہے۔