.

ترکی میں پُھوٹ کے بیج بونے کی کوشش ہو رہی ہے : ایردوآن

پہلی اشاعت: آخری اپ ڈیٹ:

ترکی کے صدر رجب طیب ایردوآن نے بدھ کے روز کہا ہے کہ ان کے ملک میں پُھوٹ کے بیج بونے کی کوشش کی جا رہی ہے۔

انہوں نے کہا کہ "ہم کسی کو بھی ترکی میں نمونہ حیات کو ضرر پہنچانے کی اجازت نہیں دیں گے۔ بعض عناصر نے اپنے مفادات کے حصول کے لیے ترکی کے معاملے سے فائدہ اٹھانے کی کوشش کی"۔

ترک صدر نے باور کرایا کہ ان کا ملک دہشت گرد تنظیموں کے خلاف لڑائی میں حتی الامکان کوشش کر رہا ہے اور ترکی ان تنظیموں کے سامنے ہر گز ہتھیار نہیں ڈالے گا۔

امریکا میں مقیم مذہبی اسکالر فتح اللہ گولن کے حوالے سے ایردوآن کا کہنا تھا کہ جو کوئی بھی گولن کی تنظیم کو سپورٹ کرے گا اسے عدالت میں پیش کیا جائے گا۔