چینی لڑکے کا ماں پر وحشیانہ انداز سے حملہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

چین میں ایک 10 سالہ لڑکے نے ماں کے تقدس کو شدید طور پامال کرتے ہوئے لاتوں کے ذریعے اپنی والدہ کی تواضع کر ڈالای۔ ایک مقامی آن لائن اخبار کی رپورٹ کے مطابق یہ شرم ناک واقعہ جنوبی شہر گوانگژو میں پیش آیا۔

چین میں سوشل میڈیا پر جنگل کی آگ کی طرح پھیل جانے والی وڈیو میں نیلی جیکٹ پہنا ہوا لڑکا اُچھل کر اپنی ماں کو لاتیں رسید کرتا نظر آرہا ہے۔ اس دوران لڑکے کی دادی نے جنونیت کا شکار پوتے کو روکنے کی کوشش کی تاہم کوئی فائدہ نہ ہوا۔

تفصیلات کے مطابق تینوں افراد شہر کے ایک ہسپتال میں موجود تھے۔ اس موقع پر ماں نے اپنے دس سالہ بیٹے سے کہا کہ ایک جائے عام ہے لہذا وہ یہاں اپنے موبائل پر نہ کھیلے۔ اس بات کو سنتے ہی بیٹے کا پارہ چڑھ گیا اور اس نے اچانک وحشیانہ پن کا مظاہرہ کرتے ہوئے صرف 10 سیکنڈ کے اندر اپنی ماں کو کم از کم پانچ مرتبہ لاتیں ماریں۔

آن لائن اخبار کی خبر کے ذیل میں تبصرہ کرتے مخلتف افراد نے لڑکے کی اپنی ماں کے ساتھ بدتہذیبی اور گستاخی پر شدید ردعمل اور افسوس کا اظہار کیا۔

مقبول خبریں اہم خبریں

مقبول خبریں