.

ملبرن میں تیز رفتار کار نے تین افراد کچل دیئے

حادثے کی وجوہات معلوم نہیں ہو سکیں، 20 افراد زخمی ہیں

پہلی اشاعت: آخری اپ ڈیٹ:

آسٹریلیا کے شہر ملبرن کے مرکز میں تیز رفتار کار ہجوم پر چڑھ دوڑنے سے تین افراد ہلاک جبکہ 20 دوسروں کے زخمی ہونے کی اطلاعات ہیں۔

ایک مقامی ٹی وی نیٹ ورک نے اس خبر کے ہمراہ ایک ویڈیو چلائی ہے جس میں شہر کے وسط میں پولیس کی گاڑیاں اور مسلح پولیس اہلکاروں کو جائے حادثہ کے پاس چوک میں دیکھا جا سکتا ہے۔

حادثہ کی وجوہات اور گاڑی ڈرائیور کے بارے میں ابھی تک معلوم نہیں ہو سکا، تاہم پولیس نے علاقے کی ناکہ بندی کر دی ہے۔