یمنی باغیوں کے سعودی عرب میں اقوام متحدہ کے دفتر پر راکٹ حملے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

یمن میں سرگرم ایران نواز حوثی باغیوں نے سعودی عرب کے جنوبی شہر ظہران میں قائم اقوام متحدہ کے مقامی دفتر پر راکٹوں سے حملہ کیا ہے جس کے نتیجے میں دفتر کی عمارت کو غیر معمولی نقصان پہنچا ہے۔

العربیہ ٹی وی چینل کی رپورٹ کے مطابق حوثی باغیوں کی جانب سے ظہران میں اقوام متحدہ کی عمارت ’ڈی سی سی‘ پر متعدد راکٹ داغے گئے جس کے نتیجے میں عمارت کی دیواریں اور شیشے ٹوٹ گئے۔

راکٹ حملوں کے نتیجے میں اقوام متحدہ کے دفتر کا استقبالیہ روم، فرنیچر اور دیواریں ٹوٹ پھوٹ کا شکار ہوئی ہیں۔

درایں اثناء یمن کے لیے اقوام متحدہ کے امن مندوب اسماعیل ولد الشیخ احمد نے ظہران میں ’یو این‘ کی عمارت پر حوثیوں کے حملے کی شدید مذمت کیہے۔

ایک بیان میں انہوں نے کہا کہ یہ بہت افسوسناک امر ہے کہ ایک طرف ہم یمن میں لڑائی روکنے کے لیے کوششیں کررہے ہیں اور دوسری طرف یمنی باغی سرحد پار سے سعودی عرب کے اندر عالمی تنصیبات کو نشانہ بنا رہے ہیں۔

ولد الشیخ احمد نےبتایا کہ یمن سے راکٹ حملے رات کے وقت کیے گئے تاہم اقوام متحدہ کے دفتر میں موجود عملہ اس وقت جاگ رہا تھا۔

مقبول خبریں اہم خبریں