.

مصر:اسکول بس کھائی گرنے سے7 طلباء جاں بحق،45 زخمی

اسپتالوں میں ایمرجنسی نافذ

پہلی اشاعت: آخری اپ ڈیٹ:

مصر میں گذشتہ روز ایک اسکول بس کو پیش آنے والے حادثے کے نتیجے میں کم سے کم سات طلبا جاں بحق اور پینتالیس زخمی ہوگئے۔

العربیہ کے نامہ نگار کے مطابق قاہرہ وزارت صحت کی طرف سے جارہ کردہ ایک بیان میں کہا گیا ہے کہ گذشتہ روز نوبیع سے دھب شہر کی طرف جانے والی اسکول بس ایک کھائی میں جا گری جس کے نتیجے میں 7 طلباء جاں بحق اور 45 زخمی ہوئے ہیں۔

وزارت صحت کے ترجمان ڈاکٹر خالد مجاھد نے بتایا کہ بس کے حادثے کے بعد زخمیوں کو 28 ایمبولینسوں کی مدد سے اسپتالوں میں منتقل کیا گیا ہے۔ بعض زخمیوں کی حالت خطرے میں بیان کی جاتی ہے۔

العربیہ ڈاٹ نیت کے مطابق اسکول بس کے حادثے کے بعد دھب اور نوبیع شہروں کے اسپتالوں میں ہنگامی حالت نافذ کی گئی ہے اور حکومت کے طبی عملے اور متعلقہ حکومت کو تمام زخمیوں کو علاج کی بہترین سہولیات فراہم کرنے کی ہدایات جاری کی ہیں۔