.

شاہ سلمان سے اقوام متحدہ کے سیکریٹری جنرل کی ملاقات

اقوام متحدہ کے بین الاقوامی سطح پر امن مشنوں کے حوالے سے تبادلہ خیال

پہلی اشاعت: آخری اپ ڈیٹ:

سعودی عرب کے فرماں روا شاہ سلمان بن عبدالعزیز سے اتوار کے روز الیمامہ محل میں اقوام متحدہ کے سیکریٹری جنرل انتونیو گوٹیریس نے ملاقات کی ہے۔

شاہ سلمان نے معزز مہمان کو اپنی نئی ذمے داریاں سنبھالنے پر مبارک باد پیش کی ہے اور ان کی کامیابی کے لیے نیک خواہشات کا اظہار کیا ہے۔ اقوام متحدہ کے سیکریٹری جنرل نے سعودی مملکت کے اپنے پہلے دورے اور شاہ سلمان سے ملاقات پر خوشی کا اظہار کیا ہے۔

دونوں رہ نماؤں نے ملاقات میں اقوام متحدہ کی بین الاقوامی سطح پر امن اور سلامتی کے حصول کے لیے کوششوں اور مشنوں کے حوالے سے تبادلہ خیال کیا ہے۔