ٹرمپ کی گاڑی پر " نامعلوم چیز "پھینکی گئی !

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی صدر کی حفاظت پر مامور خفیہ ادارے نے ڈونلڈ ٹرمپ کی سواری کی جانب کوئی نامعلوم چیز پھینکے جانے کے بعد تحقیقات کا آغاز کر دیا ہے۔ یہ واقعہ جمعے کے روز اس وقت پیش آیا جب امریکی صدر ریاست فلوریڈا میں اپنی جائے قیام کی سمت راستے میں تھے۔

صدر کی سواری پام بِیچ کے ہوائی اڈے سے مارالاگو میں ٹرمپ کی پُر تعیش قیام گاہ کی جانب رواں دواں تھی کہ اس دوران ایسا لگا کہ کوئی نامعلوم چیز سواری کی جانب پھینکی گئی ہے۔

خفیہ ادارے (سیکرٹ سروس) نے ایک بیان میں کہا ہے کہ " ہم تحقیقات کر رہے ہیں اور اس وقت ہمارے پاس مزید بتانے کے لیے کچھ نہیں ہے"۔

بسا اوقات گاڑی کے ذریعے ٹرمپ کی آمد و رفت کے دوران ان کے متعدد حامی اور مخالفین سڑک کے کنارے جمع ہوجاتے ہیں۔

پام بِیچ میں ٹرمپ کے حامی امریکی صدر کے استقبال کے واسطے ہاتھوں میں بینر اور پلے کارڈ لے کر کھڑے تھے جن پر " گھر میں خوش آمدید" تحریر تھا۔

مقبول خبریں اہم خبریں

مقبول خبریں