.

ٹرمپ کی موجودگی کے دوران وائیٹ ہاؤس سے مشتبہ شخص گرفتار

پہلی اشاعت: آخری اپ ڈیٹ:

امریکی ذرائع ابلاغ نے مطابق گذشتہ روز پولیس نے وائیٹ ہاؤس سے ایک مشکوک شخص کو اس وقت حراست میں لیا جب صدر ڈونلڈ ٹرمپ بھی اپنے دفتر میں موجود تھے۔

امریکی ٹی وی نیٹ ورک ’سی این این‘ کے مطابق ایک مشتبہ شخص کووائیٹ ہاؤس میں داخلے پر حراست میں لیا گیا ہے۔

ٹی وی رپورٹ میں ذرائع کے حوالے سے کہا گیا ہے کہ ایک مشکوک اور غیر متعلقہ شخص اپنی کمر پر بیگ اٹھائے وائیٹ ہاؤس کی گیلری میں داخل ہوا۔ اس موقع پر موجود خفیہ پولیس نے اس شخص کو حراست میں لے کر تفتیش شروع کردی ہے۔ یہ واقعہ اس وقت پیش آیا جب صدر ڈونلڈ ٹرمپ اپنے دفتر میں موجود تھے۔

خیال رہے کہ وائیٹ ہاؤس کے گرد لگائی گئی حفاظتی دیوار کو سیکیورٹی کے حوالے سے غیر محفوظ قرار دیا جاتا ہے۔ ماضی میں بھی اس دیوار کو پھلانگ کر لوگ اندر داخل ہونے کی کوشش کرتے رہے ہیں۔ ستمبر 2014ء کو ایک مخبوط الحواس سابق فوجی اہلکار چاقو لہراتا ہوا وائیٹ ہاؤس کے اندر پھلانگنے میں کامیاب ہوگیا تھا۔