.

امریکا اور سعودی عرب کے درمیان 110 ارب ڈالرز مالیت کا دفاعی معاہدہ

امریکا سعودی عرب کی اسلحے کی ضروریات کو پورا کرے گا، ہزاروں نئی ملازمتیں پیدا ہوں گی

پہلی اشاعت: آخری اپ ڈیٹ:

سعودی عرب اور امریکا کے درمیان صدر ڈونلڈ ٹرمپ کے دورے کے موقع پر 110 ارب ڈالرز مالیت کا دفاعی معاہدہ طے پا گیا ہے اور دونوں ملکوں کے سربراہوں اور حکام نے الریاض میں اس معاہدے اور اس سے متعلق ضمنی سمجھوتوں پر دستخط کردیے ہیں۔

وائٹ ہاؤس کے حکام نے بتایا ہے کہ اسلحے کے اس معاہدے سے امریکا کی جانب سے مشرق وسطیٰ کے خطے میں استحکام کے لیے عزم کا اظہار ہوتا ہے اور اس سے امریکا کی دفاعی صنعت میں ہزاروں ملازمتوں کے نئے مواقع پیدا ہوں گے۔

برطانوی خبررساں ایجنسی رائیٹرز نے ان حکام کے حوالے سے بتایا ہے کہ ’’ اس پیکج سے خلیجی عرب خطے کو ایرانی خطرے اور علاقائی دہشت گردی سے نمٹنے اور سکیورٹی کو بہتر بنانے میں مدد ملے گی‘‘۔