.

جازان میں بارودی سرنگ کے دھماکے میں سعودی فوجی شہید

پہلی اشاعت: آخری اپ ڈیٹ:

سعودی عرب کے یمن کے ساتھ واقع سرحدی علاقے جازان میں بارودی سرنگ کے دھماکے میں ایک فوجی شہید ہوگیا ہے۔

سعودی عرب کی وزارت داخلہ کے سکیورٹی ترجمان نے بتایا ہے کہ منگل کی صبح نو بجے جازان کے علاقے دائر میں سرحدی محافظوں کی ایک گاڑی گشت کے دوران بارودی سرنگ کی زد میں آگئی تھی اور دھماکے میں فرسٹ فوجی متعب علی سعید القحطانی جان کی بازی ہار گیا ہے۔

سعودی سرحدی محافظوں نے انجنیئر کور کے ساتھ مل کر واقعے کی تحقیقات شروع کردی ہے۔