.

فرانس: پارلیمانی انتخابات کے دوسرے مرحلے میں پولنگ کا آغاز

پہلی اشاعت: آخری اپ ڈیٹ:

فرانس میں پارلیمانی انتخابات کے دوسرے مرحلے کے لیے ووٹنگ کا آغاز ہو گیا ہے۔ فرانس بھر میں اتوار کے روز پارلیمانی انتخابات کے دوسرے مرحلے کیلئے ووٹنگ کاسلسلہ جاری ہے۔

چار کروڑ 70 لاکھ ووٹرز اسمبلی کی 577 نشستوں پر امیدواروں کا چناؤ کریں گے۔ رائے شماری کے مطابق ایوان زیریں میں صدر ایمانویل میکرون کی جماعت کو واضح برتری ملنے کا امکان ہے۔

پارلیمانی انتخابات کے پہلے مرحلے میں صدر کی جماعت کو برتری ملی تھی جبکہ دائیں بازو کی ری پبلیکن پارٹی دوسرے نمبر پر اور میرین لی پین کی انتہائی دائیں بازو کی جماعت نیشنل فرنٹ تیسرے نمبر پر رہی تھی۔