خودکش بمبار حرم مکی سے صرف 800 میڑ دور رہ گیا تھا!

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب نے مکہ المکرمہ میں جمعہ کی شب دو دہشت گرد کارروائیاں ناکام بنائیں۔ پہلی کارروائی العسیلہ کے علاقے جبکہ دوسری اجیاد المصافی کالونی میں کی گئی۔ اجیاد المصافی ہی کے علاقے میں مسجد الحرام واقع ہے۔

اجیاد کالونی حرم مکہ سے متصل تاریخی علاقہ ہے جسے انتہا پسند اپنے دہشت گرد منصوبے کے بیس کیمپ کے طور پر استعمال کرنا چاہتے تھے تاکہ وہاں سے حرم مکی کے کمپلیکس کو نشانہ بنایا جا سکے۔

اجیاد کالونی مسجد حرام سے صرف 800 میڑ کے فاصلے پر ہے، جہاں سیکیورٹی اہلکاروں نے پیشگی کارروائی کر کے دنیا کے مقدس ترین مقام کو دہشت گردی کی تباہ کن کارروائی سے سے بچایا۔

سعودی شہریوں نے سوشل میڈیا پر موبائل کیمروں سے بنائی گئی ویڈیو پوسٹ کیں ہیں جس میں خودکش بمبار مکہ المکرمہ کے پرامن شہر میں خودکش کو دھماکے سے اڑاتا ہے، جس کے بعد اس کے جسم کے ٹکڑے عمارت کے ملبے تلے دبے نظر آتے ہیں۔

اجیاد کالونی میں سال کے ان دنوں میں بہت زیادہ رش ہوتا ہے کیونکہ حرم کے قریب ہونے کی وجہ سے یہ معتمرین اور حجاج کی من پسند جگہ سمجھی جاتی ہے۔ یہاں بہت سے ہوٹل بھی واقع ہیں جہاں زائرین قیام کرتے ہیں۔

مقبول خبریں اہم خبریں

مقبول خبریں