حوثی رہ نما اپنی ہی ملیشیاؤں پر برس پڑا، کرپشن کا بھی الزام لگا ڈالا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں حکومت کے خلاف سرگرم ایران نواز حوثی گروپ کے ایک سرکردہ لیڈر نے اپنی جماعت کی عسکری ملیشیا پر کڑی تنقید کرتے ہوئے اس پر کرپشن اور سرکاری محکموں کے ملازمین کو برطرف کرنے کا الزام عاید کیا ہے۔

الحدث ٹیلی ویژن چینل کے مطابق محمد البحیتی نے سماجی رابطوں کی ویب سائٹ ’فیس بک‘ پر پوسٹ کردہ ایک بیان میں کہا ہے کہ حوثی ملیشیا میں مالی بدعنوانی اور ایک دوسرے کی کھینچا تانی عام ہو چکی ہے۔ باغیوں میں عہدوں کے حصول کی دوڑ میں ایک دوسرے کی ٹانگیں کھینچنے کا سلسلہ جاری ہے۔ انہوں نے تنظیم کی سینیر قیادت سے ملیشیاؤں میں ہونے والی کرپشن اور دیگر جرائم کا فوری طور پر نوٹس لینے کا بھی مطالبہ کیا ہے۔

حوثیوں کی سیاسی کونسل کے رکن البحیتی کا کہنا ہے کہ حوثی گروپ کے تمام ذیلی گروپوں بالخصوص پارلیمانی اور سیکیورٹی دھڑوں میں مال بٹورنے کا مقابلہ ہے۔ ان کا کہنا تھا کہ حوثیوں کے دور حکومت میں کئی ریاستی اداروں کے اہم عہدیداروں کو ان کی ذمہ داریوں سے ہٹا دیا گیا ہے۔

مقبول خبریں اہم خبریں

مقبول خبریں