.

امریکا میں ہیلی کاپٹر چوری کی کوشش کے دوران ایک شخص ہلاک

پہلی اشاعت: آخری اپ ڈیٹ:

امریکی پولیس کا کہنا ہے کہ اس نے ریاست اوریگون کے ہیلسپورو ہوائی اڈے سے ایک ہیلی کاپٹر چوری کی کوشش ناکام بناتے ہوئے مشتبہ چور کو گولیاں مار کر قتل کردیا۔

مقامی ذرائع ابلاغ کے مطابق یہ واقعہ گذشتہ سوموار کو شمال مغربی پورٹ لینڈ سے 15 کلو میٹر دور ایک ہوائی اڈے پر پیش آیا۔ کارروائی کے وقت فلائیٹ آپریشن کچھ دیر کے لیے روک دیا گیا تھا۔

ھیلسپورو پولیس کے ترجمان نے عالمی خبر رساں ایجنسی ’رائیٹرز‘ کو بتایا کہ ہوائی اڈے پر فائرنگ بھی کی گئی تاہم انہوں نے اس کی مزید تفصیل نہیں بتائی۔

مقامی اخبارات کے مطابق مقتول تریبت یافتہ پائلٹ تھا۔ اس نے مقامی وقت کے مطابق دن گیارہ بج کر چالیس منٹ پر ہوائی اڈے میں داخل ہونے کے بعد فائرنگ کی اور ایک ہیلی کاپٹر کے اندر داخل ہوگیا۔ تاہم قریب ہی موجود پولیس نے فائرنگ کرکے اسے قتل کردیا۔ اس واقعے میں کوئی دوسرا شخص زخمی نہیں ہوا۔