.

نئے آئین کی تیاری میں شام کے کُردوں کی شرکت "لازمی" ہے : ڈی میستورا

پہلی اشاعت: آخری اپ ڈیٹ:

شام کے لیے اقوام متحدہ کے خصوصی ایلچی اسٹیفن ڈی میستورا کا کہنا ہے کہ ملک کے لیے نئے آئین کی تیاری میں شامی کُردوں کو نظر انداز نہیں کیا جانا چاہیے اور ان کے نمائندوں کو اس عمل میں شریک ہونے کی اجازت دی جانی چاہیے۔

ڈی میستورا نے یہ بات منگل کے روز روسی خبر رساں ایجنسی کے ساتھ ایک اںٹرویو میں کہی۔

ادھر مغربی سفارت کاروں نے بتایا ہے کہ اقوام متحدہ نے گزشتہ چند ہفتوں کے دوران لوزان میں شامی اپوزیشن جماعتوں کے ساتھ آئین کے حوالے سے تکنیکی نوعیت کی بات چیت کے دو ادوار کی میزبانی کی۔