.

ابو ظبی کے ولی عہد سے امریکی ایلچیوں کی ملاقات ، قطر بحران پر بات چیت

پہلی اشاعت: آخری اپ ڈیٹ:

ابو ظبی کے ولی عہد اور متحدہ عرب امارات کی مسلح افواج کے نائب کمان دار شیخ محمد بن زاید آل نہیان سے امریکی وزیر خارجہ ریکس ٹیلرسن کے دو خصوصی ایلچیوں نے ملاقات کی ہے اور ان سے قطر اور عرب ممالک کے درمیان جاری بحران پر تبادلہ خیال کیا ہے۔

امریکی وزیر خارجہ نے سابق جنرل انتھونی زینی اور عرب خلیجی امور کے لیے نائب وزیر خارجہ ٹم لنڈرکنگ کو قطر بحران کے حل کے لیے معاونت کی غرض سے خطے کے دورےپر بھیجا ہے۔انھوں نے اس سے پہلے کویت اور قطر کا دورہ کیا ہے۔

اطلاعات کے مطابق امریکی ایلچی ابو ظبی سے سعودی عرب ، بحرین اور پھر مصر جائیں گے۔ریکس ٹیلرسن نے انھیں قطر کے تین خلیجی عرب ممالک اور مصر کے ساتھ جاری تنازع کے حل کے لیے ٹرمپ انتظامیہ کی سفارتی کوششوں کے ضمن میں حال ہی میں خصوصی ایلچی مقرر کیا ہے اور وہ چار عرب ممالک اور قطر کی قیادت سے بحران کے خاتمے کے لیے بات چیت کررہے ہیں۔