حوثی باغیوں کی گولہ باری سے تعز میں 4 بچے شہید، 10 زخمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں حوثی شدت پسند گروپ کی جانب سے تعز کے علاقے میں گولہ باری کے نتیجے میں کم سے کم چار بچے شہید اور 10 زخمی ہوگئے۔

العربیہ کے مطابق حوثی باغیوں اور علی صالح ملیشیا نے تعز میں حوض الاشراف کالونی پر گولہ باری کی جس کے نتیجے میں متعدد مکانوں کو بھی نقصان پہنچا ہے۔

طبی ذرائع کے مطابق گولہ باری کے نتیجے میں شہید ہونے والے چار بچوں کی نعشیں اسپتال منتقل کی گئی ہیں جب کہ زخمی ہونے والے دس بچوں کو بھی اسپتالوں میں داخل کیا گیا ہے۔ یہ واقعہ حوثی باغیوں کی طرف سے حوض الاشراف کالونی پر گولہ باری کے نتیجے میں پیش آیا۔

مقامی ذرائع کا کہنا ہے کہ حوثی باغیوں کی طرف سے داغے گئے متعدد گولے مشرقی تعز میں الدبا کالونی اور الصمیل بازار میں بھی گرے ہیں۔

مقبول خبریں اہم خبریں

مقبول خبریں