کردستان کے ریفرنڈم کے نتائج تسلیم نہیں کریں گے: تُرک وزیراعظم

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ترک وزیراعظم بن علی یلدرم کا کہنا ہے کہ ان کا ملک عراقی کردستان کے ریفرنڈم کے نتائج کو ہر گز تسلیم نہیں کرے گا۔ انہوں نے کہا کہ مرکزی سرحدی گزرگاہوں ، ہوائی اڈوں اور تیل کی پائپ لائنوں کا کنٹرول عراق کی مرکزی حکومت حاصل کر لے گی۔

ترک وزارت خارجہ کی جانب سے جاری بیان میں عراقی کردستان کے ریفرنڈم کو کالعدم قرار دیتے ہوئے کہا گیا ہے کہ اس ریفرنڈم سے خطے کا امن و استحکام خطرے میں پڑ جائے گا۔

بیان میں کہا گیا ہے کہ اگر ریفرنڈم کے نتیجے میں ایسی کارروائیاں سامنے آئیں جن سے ترکی کا امن نشانہ بنا تو انقرہ حکومت تمام تر اقدامات کرے گی۔

ترک وزارت خارجہ نے اپنے شہریوں کو ہدایت کی ہے کہ وہ جلد از جلد عراقی کردستان سے کوچ کر جائیں۔

شمالی عراق کے ریجن کردستان کی علاحدگی کے حوالے سے ریفرنڈم میں رائے شماری پیر کے روز شروع ہو گئی۔ اس دوران علاقائی اور بین الاقوامی اندیشے بدستور موجود ہیں کہ ریفرنڈم کے نتیجے میں مشرق وسطی کا امن و استحکام متزلزل ہو گا۔

ریفرنڈم میں رائے شماری کے لیے پولنگ مراکز کو پیر کی صبح مقامی وقت کے مطابق آٹھ بجے کھول دیا گیا تھا اور پولنگ کا سلسلہ شام چھ بجے تک چلتا رہے گا۔ ریفرنڈم کے حتمی نتائج کا اعلان 72 گھنٹوں کے دوران کر دیا جائے گا۔

مقبول خبریں اہم خبریں

مقبول خبریں