.

یو این سربراہ کا سعودی خواتین کو ڈرائیونگ کی اجازت دیے جانے کا خیر مقدم

پہلی اشاعت: آخری اپ ڈیٹ:

اقوام متحدہ کے سکریٹری جنرل آنتونیو گوتیریس نے سعودی فرماں رواں شاہ سلمان کی جانب سے مملکت میں خواتین کو گاڑی چلانے کی اجازت دینے کے فرمان کا خیر مقدم کیا ہے۔

ٹوئیٹر پر اپنے سرکاری صفحے پر گوتیریس نے تحریر کیا ہے کہ "میں مملکت سعودی عرب میں خواتین کے گاڑی چلانے پر عائد پابندی کے اٹھائے جانے کا خیر مقدم کرتا ہوں۔ یہ ایک صحیح رستے کی جانب گیا گیا اقدام ہے"۔

منگل کے روز جاری شاہی فرمان میں سعودی خواتین کو ڈرائیونگ لائسنس جاری کرنے کے احکامات جاری کیے گئے۔

اس سلسلے میں اعلی سطح کی ایک کمیٹی بھی تشکیل دی گئی ہے جو اس فرمان پر عمل درامد کے لیے مطلوبہ انتظامات کا جائزہ لے گی۔

یہ کمیٹی 30 روز کے اندر ہدایات پیش کرے گی جب کہ مذکورہ اجازت پر عمل درامد 10 شوّال 1439 ہجری (جون 2018) سے ہو گا۔