.

شاہ سلمان سے لبنان کے مستعفی وزیراعظم سعد حریری کی ملاقات

پہلی اشاعت: آخری اپ ڈیٹ:

سعودی عرب کے فرماں روا شاہ سلمان بن عبدالعزیز سے دارالحکومت الریاض میں سوموار کے روز لبنان کے مستعفی وزیراعظم سعد الحریری نے ملاقات کی ہے اور ان سے باہمی دلچسپی کے امور پر تبادلہ خیال کیا ہے۔

سعد حریری گذشتہ جمعہ سے سعودی عرب میں ہیں۔ انھوں نے ہفتے کے روز اچانک وزارت عظمیٰ کے عہدے سے مستعفی ہونے کا اعلان کردیا تھا۔انھوں نے اپنی نشری تقریر میں اس خدشے کا اظہار کیا تھا کہ ان کی جان کو خطرہ ہے اور انھیں قتل کیا جاسکتا ہے۔

انھوں نے ایران اور اس کی اتحادی لبنان کی شیعہ ملیشیا حزب اللہ کو عرب دنیا میں گڑ بڑ پھیلانے پر تنقید کا نشانہ بنایا تھا اور کہا تھا کہ ’’ خطے میں ملوث ایران کے ہاتھ کاٹ دیے جائیں گے‘‘۔