.

یو این ایلچی عدن اور صنعاء میں امن مذاکرات کا نیا دور شروع کرانے کے لیے کوشاں

پہلی اشاعت: آخری اپ ڈیٹ:

اقوام متحدہ کے خصوصی ایلچی برائے یمن اسماعیل ولد شیخ احمد کے دفتر کی ایک ٹیم جنگ زدہ ملک کے عارضی دارالحکومت عدن کا دورہ کرے گی اور اس کے بعد دارالحکومت صنعاء جائے گی ۔

اقوام متحد ہ کے ایک ذریعے کا کہنا ہے کہ اس دورے کا مقصد جنگ زدہ ملک کے فریقوں کے درمیان امن بات چیت کے نئے دور کی تیاری ہے لیکن اس کے لیے ضروری ہے کہ دونوں فریق پُرامن سیاسی حل تک پہنچنے کے لیے مخلصانہ سیاسی ارادے کا اظہار کریں۔

یمنی حکومت کے ایک ذریعے کے مطابق عدن میں اقوام متحدہ کے ایلچی کی ٹیم کے استقبال کی تیاریاں کی جارہی ہیں۔تاہم اسماعیل ولد شیخ احمد کے دفتر نے واضح کیا ہے کہ اقوام متحدہ کا طیارہ اس وقت تک صنعا ء کے ہوائی اڈے پر نہیں اُترے گا، جب تک حوثی جنگجو جنرل پیپلز کانگریس کے لیڈروں کے خلاف تشدد آمیز کارروائیاں روک نہیں دیتے۔