.

ٹرمپ کے خطاب کے دوران ڈیموکریٹس کی لیڈر اپنے دانت صاف کرتی رہیں !

پہلی اشاعت: آخری اپ ڈیٹ:

امریکی صدر ڈونلڈ ٹرمپ نے منگل کی رات اپنا پہلا "اسٹیٹ آف یونین" خطاب کیا۔ اس موقع پر کیمرے کی آنکھ نے خاص طور پر ایوانِ نمائندگان میں ڈیموکریٹکس کی لیڈر نینسی پیلوسی کے ردّ عمل کو محفوظ کیا۔ ٹرمپ کے خطاب کے دوران نینسی بڑی حد تک ناخوش اور بیزار سی نظر آئیں جیسا کہ وڈیو کلپ سے ظاہر ہوتا ہے کہ وہ خاموش بیٹھی اپنی زبان سے دانتوں کو صاف کر رہی تھیں۔

امریکی صحافی Ryan Saavedra نے بتایا کہ نینسی پیلوسی ٹرمپ کے خطاب کے دوران اپنے مصنوعی دانتوں سے کھیلتی رہیں۔

ایک اور تبصرے میں کہا گیا ہے کہ "نینسی کے چہرے سے واضح ہے کہ وہ شان دار وقت گزار رہی ہیں"۔

ایک ٹوئیٹ میں یہ تبصرہ بھی سامنے آیا کہ "نینسی کا چہرہ ٹرمپ سے کہہ رہا ہے کہ آپ نہیں جانتے کہ اس وقت کیا بول رہے ہیں"۔

یاد رہے کہ کیلیفورنیا سے ایوان نمائندگان کی رکن 76 سالہ نینسی پیلوسی گزشتہ تیس برس سے کانگریس کی رکن ہیں۔ انہیں 30 نومبر 2016 کو پھر سے منتخب کیا گیا۔ وہ بھاری اکثریت سے ایوان میں ڈیموکریٹس اقلیت کی لیڈر بن گئیں۔

نینسی کو امریکی صدر ڈونلڈ ٹرمپ کے شدید ترین مخالفین میں شمار کیا جاتا ہے اور وہ اپنے بیانات میں ہمیشہ ٹرمپ پر نکتہ چینی کرتی ہیں۔

نینسی نے CNN کو دیے گئے ایک سابقہ انٹرویو میں صدر ٹرمپ کے بارے میں کہا تھا کہ وہ "انتشار کے سربراہ ہیں جو موضوع تبدیل کرنے کے لیے کچھ بھی کر جاتے ہیں"۔ انہوں نے کہا کہ ٹرمپ عام طور پر یہ ترکیب استعمال کرتے ہیں۔