.

پی ایل او کے سیکریٹری جنرل کی نکی ہیلی کو ’شٹ اپ‘ کال

پہلی اشاعت: آخری اپ ڈیٹ:

اقوام متحدہ میں امریکا کی مستقل مندوب نکی ہیلی کو فلسطینی صدر محمود عباس پر تنقید کرنے پر پی ایل او کے سیکریٹری جنرل صائب عریات نے ’شٹ اپ‘ کہہ دیا۔

فلسطین لبریشن آرگنائزیشن کے سیکٹری جنرل صائب عریکات نے اقوام متحدہ میں امریکی مندوب نکی ہیلی کو فلسطینی صدر محمود عباس پر تنقید کرنے پر ’چپ کرو‘ کہا ہے۔

فلسطینی رہنما نے میڈیا کو انٹر ویو دیتے ہوئے کہا کہ صدر عباس یہودیوں اور مسلمانوں کے مسائل ہم آہنگی سے حل کرنے اور امن و امان کی فضا قائم کرنے کی صدارت کررہے ہیں لیکن یہ امریکی سفیر صدر عباس پر الزام لگا کر اس عمل کو روکنا چاہتی ہے۔

انہوں نے کہا کہ امریکا صدر عباس کو تبدیل کرنے کی کوشش کر رہی ہے، ان کا مزید کہنا تھا کہ امریکا فلسطینی حکومت کو ختم کرنا چاہتا ہے۔

واضح رہے کہ صدر عباس نے اپنی حالیہ تقریر میں یروشلم کو اسرائیل کا دارالحکومت تسلیم کرنا اور نوآبادیاتی منصوبے بنانے پر امریکی صدر پر تنقید کی تھی جس کے جواب میں امریکی سفیر نکی ہیلی نے صدر عباس کو آڑے ہاتھوں لیا تھا۔