.

سعودی عرب کی پہلی خواتین میراتھن جیتنے والی برق رفتار فاتح سے ملیے!

پہلی اشاعت: آخری اپ ڈیٹ:

سعودی عرب میں ملکی تاریخ میں پہلی بار خواتین کی میراتھن دوڑ کے مقابلے کا اہتمام کیا گیا۔ اس مقابلے میں ایک مقامی دوشیزہ مزنہ النصار نے دوڑ جیت کر پہلی پوزیشن حاصل کی۔

العربیہ ڈاٹ نیٹ سے بات کرتے ہوئے النصار نے اپنی جیت سے متعلق بتایا کہ مخصوص خوراک اور مسلسل ورزش اس کی تیز رفتاری کا راز ہے۔

ایک سوال کے جواب میں مزنہ النصار کا کہنا تھا کہ اس کے اہل خانہ کی طرف سے میراتھن میں حصہ لینے پر کسی قسم کی پابندی عاید نہیں کی گئی اور نہ ہی کوئی رکاوٹ کھڑی کی گئی ہے۔ میراتھن میں حصہ لینے والی تمام خواتین شرعی پردے کی مکمل طور پر پابند تھیں۔ اس کا مزید کہنا تھا کہ وہ سنہ 2020ء میں اولمپک کھیلوں کے دوران میراتھن میں سعودی عرب کی نمائندگی کرنے کا ارادہ رکھتی ہیں۔

خیال رہے کہ کل ہفتے کے روز سعودی عرب میں میراتھن کا اہتمام کیا گیا جس میں امریکا، تھائی لینڈ اور دیگر ملکوں کی خواتین سمیت 1500 خواتین نے حصہ لیا۔