.

امریکا: سعودی ولی عہد کی بڑی اور معروف کمپنیوں کے سربراہان سے ملاقات

پہلی اشاعت: آخری اپ ڈیٹ:

امریکا کے سرکاری دورے پر آئے ہوئے سعودی ولی عہد شہزادہ محمد بن سلمان بن عبدالعزیز نے نیویارک میں امریکا سوفٹ بینک کے چیف ایگزیکٹو ماسا یوشی اور کئی بڑی امریکی کمپنیوں کے سربراہان سے ملاقات کی جنہوں نے "سوفٹ بینک ویژن" فنڈ میں سرمایہ کاری کر رکھی ہے۔ ملاقات کے دوران "سوفٹ بینک ویژن" فنڈ کے سلسلے میں حالیہ اور سرمایہ کاری کے آئندہ مواقع کا جائزہ لیا گیا۔

یاد رہے کہ امریکا کے تاریخی دورے کے آغاز کے پانچ روز بعد شہزادہ سلمان اپنی اگلی منزل میں نیویارک پہنچے۔ یہاں وہ وال اسٹریٹ کی نمایاں شخصیات اور امریکی بینکوں کے نمائندوں سے ملاقات کریں گے۔

نیویارک میں سعودی ولی عہد کا ایجنڈا سیاسی اور اقتصادی نوعیت کی ملاقاتوں سے بھرپور رہے گا۔ شہزادہ محمد بن سلمان 30 مارچ تک نیویارک میں قیام کریں گے۔