ایران کے بحری سرحدی محافظ قطر کے ساتھ مشترکہ گشت کریں گے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ایران کے سرحدی محافظوں کے کمانڈر بریگیڈئیر جنرل قاسم رضاعی نے کہا ہے کہ ان کے ملک کا قطر کے ساتھ سرحد پر اس وقت بہتر تعاون جاری ہے اور اس میں اضافہ ہورہا ہے۔

انھوں نے قطر کے دورے کے موقع پر ایران کی سرکاری خبررساں ایجنسی ارنا کو بتایا ہے کہ اس وقت ایرانی اور قطری بارڈر فورسز کے درمیان تعاون جاری ہے اور وہ اب مل کر بیک وقت بحری گشت کریں گے۔

ان کا کہنا تھا کہ ان کا دوحہ کا یہ دورہ دونوں ممالک کے درمیان سرحدوں پر تعلقات کو مضبوط بنانے کے لیے کوششوں کا تسلسل ہے۔ خلیج کا تمام علاقائی ریاستوں سے تعلق ہے اور اس سمندری علاقے کے انتظام کے لیے مزید مشترکہ تعاون کی ضرورت ہے۔

بریگیڈئیر جنرل قاسم اور ان کا وفد سوموار کو ایران اور قطر کے درمیان سرحدی بات چیت کے چودھویں دور میں شرکت کے لیے دوحہ پہنچا تھا ۔

مقبول خبریں اہم خبریں