.

ایران کے ساتھ جوہری معاہدے سے ہرگز علاحدہ نہیں ہوں گے: برطانیہ

پہلی اشاعت: آخری اپ ڈیٹ:

برطانوی وزارت خارجہ کا کہنا ہے کہ امریکا کی جانب سے علاحدگی کے فیصلے کے باوجود برطانیہ ایرانی جوہری معاہدے سے دست بردار ہونے کا کوئی ارادہ نہیں رکھتا ہے۔

برطانوی وزیر خارجہ بورس جونسن کے مطابق صدر ڈونلڈ ٹرمپ کی جانب سے کیا جانے والا اعلان برطانیہ کے جائزے کو متاثر نہیں کرے گا۔

ارکان پارلیمنٹ کے سامنے خطاب میں انہوں نے کہا کہ جب تک بین الاقوامی معائنہ کار یہ کہیں گے کہ ایران معاہدے پر کاربند ہے اس وقت تک برطانہ اس سمجھوتے کی پاسداری کرے گا۔

برطانیہ، فرانس اور جرمنی نے جوہری معاہدے سے علاحدگی اختیار نہ کرنے کے لیے ٹرمپ کو قائل کرنے کی ہر ممکن کوشش کی تاہم یہ کاوشیں بے فائدہ رہیں۔

برطانوی وزیر خارجہ نے امریکا پر زور دیا کہ وہ کوئی ایسا قدم نہ اٹھائے جس سے دیگر فریقوں کے لیے ایران کے ساتھ معاہدے پر عمل جاری رکھنے میں رکاوٹ پیدا ہو۔