وادی گولان پر میزائل حملوں کی منصوبہ بندی جنرل سلیمانی نے کی تھی: اسرائیل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

اسرائیل نے الزام عاید کیا ہے کہ جمعرات کو مقبوضہ وادی گولان پر شام کے اندر سے میزائل حملوں کی منصوبہ بندی ایرانی پاسداران انقلاب کے بیرون ملک سرگرم عسکری ونگ فیلق القدس کے سربراہ جنرل قاسم سلیمانی نے کی

العربیہ ڈاٹ نیٹ کے مطابق اسرائیلی فوج کے ترجمان لیفٹیننٹ کرنل جوناتھن کونکرس نے صحافیوں سے بات چیت کرتے ہوئے کہا کہ جنرل قاسم سلیمانی نے نہ صرف اسرائیل کے زیرانتظام علاقے وادی گولان میں میزائل حملوں کا حکم دیا بلکہ اس کارروائی کی خود قیادت کی تاہم وہ اپنے مقاصد میں کامیاب نہیں ہوسکے ہیں۔

ادھر ایک دوسری پیش رفت میں اسرائیلی حکام کا کہنا ہے کہ شام میں کل جمعرات کے روز مبینہ ایرانی اڈوں کو نشانہ بنائے جانے سے قبل شام کے حلیف روس کو خبر دے دی گئی تھی۔

اسرائیلی فوج کے ترجمان نے بتایا کہ ہم نے شام میں فوجی کارروائی سے قبل روس کو اطلاع دی تھی کہ ہماری طرف سے کارروائی ہونے والی ہے تاہم انہوں نے اس کی مزید تفصیل نہیں بتائی۔

اسرائیل کے مقامی ذرائع ابلاغ کے مطابق جمعرات کے روز اسرائیلی فوج نے شام کے اندر بنائے گئے ایرانی فوجی اڈوں کو وسیع پیمانے پر میزائلوں سے نشانہ بنایا ہے جس کے نتیجے میں زیادہ تر مراکز تباہ کردیے گئےہیں۔

شام کے سرکاری ذرائع ابلاغ نے عسکری ذرائع کے حوالے سے تصدیق کی ہے کہ جمعرات کو اسرائیلی فوج نے شام کے اندر کئی فوجی مراکز کو میزائلوں سے نشانہ بنایا ہے۔ ان میں ایرانی اسلحہ کے گودام اور دیگر اہم مراکز شامل ہیں۔

ذرائع نے خبر رساں ایجنسی ’سانا‘ کو بتایا کہ اسرائیل کی طرف سے داغے گئے بعض میزائل فضائی دفاع بریگیڈ، راڈار سسٹم، اسلحہ گودامو اور فوجی کمپاؤنڈز پر گرےہیں تاہم ان کی جگہ ظاہر نہیں کی گئی۔

اسدی فوج کے ایک ذریعے نے خبر رساں ایجنسی ’اے ایف پی‘ کو بتایا کہ اسرائیلی فوج کے میزائلوں سے دمشق کے نواحی علاقے الضمیرمیں درعا روڈ پر واقع فضائی دفاع کے بریگیڈ 38 اور دیگر مقامات کو نشانہ بنایا گیا۔ اس کے علاوہ متعدد میزائل دمشق کے بین الاقوامی ہوائی اڈے پر داغے گئے تھے جنہیں ہدف تک پہنچنے سے قبل ہی مار گرایا گیا۔

انسانی حقوق کے کارکنوں کے مطابق دمشق میں سرکاری یونٹ 116 اور فضائی اڈے 122 میں زور دار دھماکوں کی آوازیں سنی گئی ہیں جب کہ طبریا کے مقام پر بھی فوجی اڈوں میں دھوئیں کے بادل بلند ہوتے دیکھے گئےہیں۔ اطلاعات کے مطابق قدسیہ، العمظمیہ اور حمص مں بھی متعدد فوجی مراکز پر اسرائیلی فوج نے حملے کیے۔

مقبول خبریں اہم خبریں

مقبول خبریں