صعدہ اور الجوف کے درمیان قومی شاہراہ پر یمنی فوج کا کنٹرول

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی سرکاری فوج نے حوثیوں ملیشیا کو مار بھگانے کے بعد الجوف اور صعدہ گورنری کو ملانے والی مرکزی شاہراہ پر کنٹرول مضبوط کر لیا ہے۔

صعدہ محاذ کے عسکری عہدیدار بریگیڈیئر عبید الاثلہ نے ’العربیہ‘ کو بتایا کہ صعدہ گورنری کی البقع مارکیٹ سے الجوف کے الیتمہ کے علاقے تک دونوں گورنریوں کی رابطہ سڑک کو محفوظ بنا لیا گیا ہے۔ سڑک کے دونوں اطراف پر سرکاری فوج کا کنٹرول قائم ہے۔ سڑک کے کنارے واقع بیر السلامی اور التام اسٹیشن کو حوثی ملیشیا سے خالی کرا لیا گیا۔

ایک سوال کے جواب میں بریگیڈیئر الاثلہ کا کہنا تھا کہ صعدہ اور الجوف گورنری کو ملانے والی شاہراہ پر سرکاری فوج اور باغیوں کے درمیان گھمسان کی جنگ ہوئی۔ لڑائی میں کم سے کم 10 حوثی باغی ہلاک اور متعدد زخمی ہوگئے اور بچ جانے والے فرار ہوگئے۔

انہوں نے سرکاری فوج اور حکومت نواز مزاحمتی کارکنوں کی حوثیوں کے خلاف محاذ جنگ پر جاری مساعی کا خیر مقدم کیا اور کہا کہ عبدالملک الحوثی کے حامی اب سرکری فوج کا سامنا کرنے کی صلاحیت نہیں رکھتے بلکہ پناہ گاہوں میں چھپنے کی کوشش کر رہے ہیں۔ تاہم سرکاری فوج باغیوں کو ان کی پناہ گاہوں سے نکال کر کیفر کردار تک پہنچائے گی۔

مقبول خبریں اہم خبریں

مقبول خبریں